Ծնվել է
2004թ. դեկտեմբերի 3-ին Արարատի մարզի Նշավան գյուղում։

Արթուրը կյանքը շատ էր սիրում
Սիրում էր մարդկանց, բնությունը և ամեն ինչ, ինչ կյանքը տալիս էր։

Սիրում էր ժամանակն անցկացնել
Ընկերների հետ։ Ընկերական շրջապատում միշտ ակտիվ էր, նախաձեռնող և հոգատար։

Նրան հիշում են որպես
Բարի, կենսուրախ, ընկերասեր ու նախաձեռնող երիտասարդ։

«Դասարանի պապա»
Այսպես էին անվանում իրեն դասընկերուհիները, քանի որ առանց նրա ոչ մի միջոցառում չէր կազմակերպվում:

 

Երազանքներ, որ անկատար մնացին
Բանակից հետո ուսումը շարունակել ռազմական ակադեմիայում և դառնալ բարձրագույն ոստիկան՝ ծառայելով հայրենիքին։

Յուրահատկությունները
Սիրում էր սպորտը և նկարչությունը։ Մանկուց նկարում էր զինվորական թեմաներով պատկերներ՝ զենքեր, խաչեր և զինվորական խորհրդանիշներ։ Ազատ ժամանակ սիրում էր նաև ձկնորսությամբ զբաղվել։

Վերջին զրույցը սեպտեմբերի 2-ին
Շտապեցնում էր մորը, որ գնա տատիկի տուն, որպեսզի տեսակապով շնորհավորի տատիկի ծննդյան օրը և բոլորին միասին տեսնի։

Զգուշացրել էին չմոտենալ վտանգավոր գոտուն,
Սակայն նա հրաժարվել էր մենակ թողնել իր հրամանատարին՝ մայոր Բաբաջանյանին:

 

Վերջին մարտը
2023թ. սեպտեմբերի 2, Գորիսի շրջանի Սև լճի մոտակայք: