Required qualifications:

Մասնագիտական գիտելիքների և աշխատանքային փորձի նկատմամբ պահանջները

• Բարձրագույն կրթություն կառավարման, բիզնեսի կառավարման (MBA-ը կդիտվի առավելություն), տեղեկատվական համակարգերի կառավարման, տնտեսագիտության, հանրային կառավարման կամ հարակից մասնագիտությամբ։
• Տեղեկատվական տեխնոլոգիաների և տեղեկատվական համակարգերի վերաբերյալ բավարար գիտելիքներ՝ բազմամասնագիտական թիմերի հետ արդյունավետ համագործակցելու համար։
• Նախագծերի կառավարման մեթոդաբանությունների (Agile, Scrum) իմացություն
• Առնվազն 5 տարվա փորձ թվային վերափոխման, ՏՏ համակարգերի ներդրման, ինտեգրման կամ խոշոր միջգործառնական նախագծերի կառավարման ոլորտում։
• Բիզնես գործընթացների վերլուծության, վերանախագծման (Business Process Reengineering) և օպտիմալացման ոլորտում փորձ։
• Տարբեր տեղեկատվական համակարգերի ինտեգրման և տվյալների միասնական կառավարման սկզբունքների վերաբերյալ լավ պատկերացում և փորձ։
• Փոփոխությունների կառավարման (Change Management) և կազմակերպական փոփոխությունների հաջող իրականացման փորձ։
• Բազմաթիվ շահակիցների (Stakeholder Management) հետ արդյունավետ համագործակցության և տարբեր թիմերի աշխատանքը համակարգելու փորձ։
• Արտաքին մատակարարների, ծրագրային ապահովման գործընկերների և ծառայություններ մատուցող կազմակերպությունների հետ աշխատանքի և պայմանագրերի կառավարման փորձ (Vendor Management)։
• Խոշոր ծրագրերի կառավարման, որոշումների կայացման, հաշվետվողականության և ռիսկերի կառավարման մեխանիզմների (Program Governance) ձևավորման և կիրառման փորձ։
• Հայերեն և անգլերեն լեզուների գերազանց իմացություն։

Անհատական կարողություններ

• Ռազմավարական և համակարգային մտածողություն։
• Բարդ նախագծերը մինչև վերջ հասցնելու բարձր պատասխանատվություն և հետևողականություն։
• Բիզնեսի և ՏՏ թիմերի միջև արդյունավետ համագործակցություն ձևավորելու կարողություն։
• Բարձր մակարդակի առաջնորդության, բանակցային և հաղորդակցման հմտություններ։
• Վերլուծական մտածողություն և խնդիրների լուծման կարողություն
• Պատասխանատվության բարձր զգացում և նախաձեռնողականություն
• Արդյունքներին միտվածություն և փոփոխություններ իրականացնելու կարողություն։
• Միաժամանակ բազմաթիվ ուղղություններ համակարգելու և առաջնահերթությունները ճիշտ կառավարելու հմտություն։

Սպասվող արդյունքներ

Պաշտոնը հաջողությամբ կատարելու արդյունքում ԶԻՆԱՊԱՀԸ կունենա՝

• միասնական թվային հարթակ՝ շահառուների հատուցումների վճարումների կառավարման համար,
• ամբողջությամբ ավտոմատացված հատուցումների վճարման գործընթաց,
• շահառուների պարտավորությունների և վճարումների ավտոմատ համադրման համակարգ,
• NPV հաշվարկների ավտոմատացված մեխանիզմ,
• ղեկավարության և Հոգաբարձուների խորհրդի համար իրական ժամանակում թարմացվող հաշվետվություններ և Dashboard-ներ,
• ինտեգրված համակարգ հաշվապահական և բանկային լուծումների հետ,
• ամբողջական տեխնիկական և գործառնական փաստաթղթեր, ինչպես նաև օգտատերերի վերապատրաստման նյութեր,
• մասշտաբավորվող տեխնոլոգիական հարթակ, որը կծառայի ԶԻՆԱՊԱՀԻ հետագա թվային զարգացման նախաձեռնություններին։