Ծնվել է
1978 թվականի հունիսի 27-ին, Լեռնային Ղարաբաղի Մարտունու շրջանի Ճարտար քաղաքում։

Ոգեշնչման աղբյուրը
Ոգեշնչվում էր իր հայրենիքով՝ հավատալով, որ արժե ամեն ինչ զոհել նրա համար։

Ընտանեկան և ընկերային կապերը
Ժամանակն անցկացնում էր ընկերների հետ։ Սիրած էակի մասին հարազատները տեղեկություն չունեն։

Ընկերների և հարազատների հիշողությամբ
Նրան նկարագրում են որպես «ամեն ինչով լավ մարդ»՝ հուսալի, հավատարիմ, պարզ ու սրտացավ։

Երազանքները
Երազում էր ամուսնանալ, ընտանիք կազմել, երեխաներ ունենալ։ Մինչև կյանքի վերջ պահեց այդ անկատար երազանքը։

Յուրահատկությունները
Ունեցել է արտահայտված, հստակ էություն՝ խառնվածքով համեստ, բայց խիզախ ու վճռական։ Իր բնավորությունն էր, որ նրան տարբերում էր շատերից։

Վերջին խոսքերը
Վերջին զրույցը եղել է տանը։ Վիրավորվելուց հետո վերադարձել էր, սակայն որոշել էր կրկին գնալ ռազմաճակատ։ Հետադարձող խոսքերից մեկն այս էր.
«Դու ինձ մի սիրիր, ում սիրում ես՝ նա մահանում է»։

Վերջին մարտը
Զոհվել է 2020 թվականի նոյեմբերի 1-ին՝ Կամար կոչվող հատվածում։ Դիպուկահարի կրակոցն արձակվել է այն պահին, երբ Գուրգենը խրամատից դուրս էր եկել։ Նրա հիշատակը ապրում է բոլոր այն ընկերների սրտերում, ում համար նա օրինակ էր՝ մինչ վերջին շունչը։