Ծնվել է։
2002թհունիսի 18-ին Երևանում։

Նրան ոգեշնչում և ուրախացնում էր։
Գարեգին Նժդեհնը, Խուստուփ լեռը, շատ փոքր բաների համար ուրախանում էր, սիրում էր կյանքը։

Ժամանակը սիրում էր անցկացնել։
Ընկերների, հոր, եղբոր հետ։ Ուներ սիրած էակ։

Նրա մասին ընկերների ու հարազատների կարծիքը։
Ընկերասեր, հարգալից, շատ էր սիրում իր տատիկին, հարմարվող էր, նախաձեռնող։

Երազանքները։
Երազում էր եղբայր ունենալ, շատ էր ուզում 3 տղա ունենալ՝ երեքի անունը` Արմեն, Արամ և Արշակ, հիմնել եփական բիզնեսը, աշխատել տարբեր ոլորտներում, տուն ունենալ։

Հատուկ փաստեր կամ սովորություններ։
Բռնկվող, անկեղծ, ամեն ինչ ուղիղ ասող էր, ազնիվ էր շատ իր անձի և բոլորի հանդեպ, էմոցիոնալ, ժպտերես։

Վերջին զրույցը։
Սեպտեմբերի 12-ին գնում էր դիրքապահության, անհանգստություն ուներ, տագնապի զգացում, հումորով էր խոսում, որ սթրեսից հաներ իրեն։

Վերջին հերոսական մարտը։
2022թ․սեպտեմբերի 1փ-ին տեղի է ունեցել Կապանում՝ 122 դիրքում։ Դիրքապահությունը ավարտել էր, իրեն փոխարինել էին, և 5 րոպե հետո սկսել է պատերազմը։