Ծնվել է
2001 թ․ հոկտեմբերի 7-ին Արագածոտնի մարզի Մաստարա գյուղում։

Սրտի լեզուն՝ քանդակագործությունը
Սիրում էր քարերի վրա խաչեր փորագրել։ Երկաթից պատրաստված վարդ էր նվիրել ուսուցչուհուն՝ որպես երբեք չթառամող հիշատակ։

Նվիրվածություն՝ դեռ մանուկ հասակից
Մանուկ հասակից անդամակցել էր երկրապահ ջոկատին։ Սեր ուներ ռազմական գործի նկատմամբ։

Ընկերների սիրված Միհրանը
Ուրախ, կատակասեր, նպատակասլաց։ Ամեն ինչում ուզում էր առաջինը լինել։

Չիրականացված երազանքների ձայնը
Ծրագրավորող դառնալու ձգտումը խառն էր բազմաթիվ երազանքների մեջ։ Այնքան շատ էին, որ չէր կենտրոնանում՝ որն է գլխավորը։

Հավատով ապրող զինվոր
Աստվածապաշտ էր։ Չէր սիրում խաբել։ Ընկերություն էր անում հիմնականում իր տարիքից մեծերի հետ։

Վերջին խոսքերը
«Մամ ջան, բոլորիդ սիրում եմ, լավ եղեք, չլացեք։ Շողս մեծացե՞լ ա (քույրը)… Շատ կարոտել եմ պապային»։

Վերջին մարտը՝ Կարախանդեում
2020 թ․ սեպտեմբերի 30-ին։ Ֆագոտով տանկ էր խփել։ Հրամանատարի մահը շատ ծանր էր տարել։

Պարգևատրումները
Հետմահու արժանացել է «Արիության» և «Զորավար Օզանյան» մեդալների։