Ծնվել է
2000 թ․ հուլիսի 20-ին Կարմիր Շուկայում, ԼՂՀ։ Մանկուց կապված էր գյուղի աշխատանքներին՝ ուրախանում էր երբ մարդկանց էր օգտակար լինում։

Մարդկանց մեջ ապրող ուժը
Ամենաարժեքավոր պահերը անցկացնում էր ընտանիքի, հարազատների, ընկերների հետ։ Ուներ սիրած էակ, որի կողքին էր պատկերացնում իր ամբողջ կյանքը։

Բարությունը՝ որպես բնավորություն
Ընկերները նրան հիշում են որպես ընկերասեր, բաց սրտով ու բարի տղա։ Մարդ, ում վրա կարելի էր հույս դնել։

Ապագայի մասին վստահ խոսում էր
Պլաններն արդեն կազմված էին։ Ֆերմա, տուն, ընտանիք։ Մի տարի հետո պիտի ամուսնանար։ Ամեն ինչ պիտի լիներ՝ ժամանակին, իր ուժերով, իր հայրենի հողում։

Ամենօրյա ուրախությունը
Սիրում էր քեֆ-ուրախությունները։ Ապրում էր պարզ մարդկային ուրախության զգացողությամբ։ Սարքում էր փայտյա տնակներ ու իրեր։

Վերջին խոսքերը՝ որպես խոստում
«Ես գալու եմ, մի տարուց հետո ամպայման ամուսնանամ, տները սարքեմ, սաղ գործերը անեմ» - հնչեց վերջին անգամ՝ մաքուր հավատով ու վստահությամբ։

Վերջին մարտը
2020 թ․ նոյեմբերի 7-ին՝ Շուշիում։ Կռվել էր գրեթե ամենուր, վիրավոր զինվորներին դուրս էր բերել կրակի դաշտից՝ իր կյանքի գնով։