Ծնվել է
1987 թ․ սեպտեմբերի 10-ին Շիրակի մարզի Ախուրյան գյուղում։

Նրան ոգեշնչում և ուրախացնում էր
Զինվորական ծառայությունը։ Հոգով և սրտով զինվորական էր։

Ժամանակը սիրում էր անցկացնել
Զինվորական ծառայության մեջ։

Նրա մասին ընկերների ու հարազատների կարծիքը
Շատ նվիրված ընկեր, հայրենասեր։
Կարգախոսը․ «Առաջ՝ հայրենիք, հետո՝ ընտանիք»։

Երազանքները
Ամեն ինչ կապված էր հայրենիքի հետ, չէր պատկերացնում իրեն ուրիշ տեղ։
Տուն են գնել հիփոթեքով։ Մանրամասն քննարկել են և պատկերացրել, թե ինչպես պետք է կառուցեն։

Նրան յուրահատուկ դարձնող փաստեր
Հայրենանվիրությունը։

Վերջին զրույցը
Նրա որդին 9 տարեկան էր, դուստրը՝ 5։ Դիրքեր մեկնելուց առաջ տան դարպասների մոտ նայել է որդու աչքերի մեջ և ասել․ «Այսօրվանից հետո դու ես տան տղամարդը, մայրիկին ու քույրիկին լա՛վ կնայես»։ Փաթաթվել է, հրաժեշտ տվել ընտանիքին ու գնացել։ Ճանապարհին վարորդի հետ քննարկել է․ «Տեսնես՝ հետ եմ գալու՞, թե՝ ոչ»։

Վերջին հերոսական մարտը
2020 թ․ հոկտեմբերի 22-ին, Քաշաթաղի շրջանում՝ Քարինտակում (Կուբաթլու)։